الجمعة، سبتمبر 07، 2007

الحمد لله عليكم جميعا




- أن تجد كل هؤلاء يتصلون بك ويسألون علي امتحانك وماذا فعلت ...
-
- أن تجد كل هؤلاء يهتمون لشيء هو خاص بك أنت لا بهم ...
-
- أن تجد الاهتمام بحق في سؤالهم وفي عيونهم ...
-
- أن تجد كل هؤلاء يتذكروا حالا من أحوالك ...
-
- أن تجد شيئا يشغل بالهم .... هو أنت ...

-
فلابد أن تحمد الله , وتشكر له هذا الفضل والنعمة ...
-

- من أيام عشت يوما من أجمل ايامي ... وكان أجمل ما فيه هو الشعور بأن حولك الكثير والكثير ... بالفعل شيء لايوصف وفرحة لا تعادلها فرحة ,,,, بعد فترة من الضيق والمعاناة وإحساس لا يوصف بالوحدة وخسران أشياء جميلة لا تتمني خسارتها أبدا .... كان الرد الإلهي بهؤلاء الأحباب جميعا
--

- أشخاص لم أتوقع منهم هذا ورأيت منهم الكثير من الجميل ... وآخرين قاموا معي بأكثر مما كنت أتوقع ... وآخرين ..كان ما أريده هو مجرد كلمة أو جلسة معهم ... هي أكثر ما أحتاجه .. ولم يحرموني من ذلك فعلا ....
-

- ماذا تتوقعون من إنسان يضع اسما له في الماسنجر ..... -
-
"محتاج حد ياخدني في حضنه أوي .. أوي ..أوي"


-الفترة الأخيرة كنت بحق هذا الشخص ... وفعلا فوجئت بهم هذا الحضن ... الحضن الغالي فعلا .. الدافئ حقا .. الحنون فعلا وقولا ...

فلله سبحانه الحمد .

ولكم كل الجميل والحب والود ... وصدقا لكل إنسان سأل أو اطمئن أو وقف بجانبي ... له دعوة صادقة من أعماقي ... أن أراه دائما في خير صحة وأجمل حال ... وأدعو الله كما جمعنا في الدنيا أن يجمعنا في جنات النعيم .

هناك 31 تعليقًا:

غير معرف يقول...

ماشي يا سيدي ربنا يسهل له
محبة الناس دي كرم من عند ربنا
ربنا يوفقك في حياتك و يحقق لك كل ما تتمناه في طاعة إن شاء الله
و السلام

مصـ( الخير )ـعب يقول...

الحمدلله عليك :)
وحمدالله على السلامة

BooDy يقول...

ربنا يكرمك يااارب داااايما ويحبب فيك كل خلقه يااااارب

إبـراهيم ... معـايــا يقول...

فعلاً يا محمد ... كثيير بيكون التفاف الناس حول الواحد نعمة كبيييرة بينسى يشكر ربنـا عليها
.
.
.
أغبطك عليها على كل حـال ، ... ودمت بــود


تحياااتي

ibn nasser - ابن ناصر يقول...

يارب تفضل في خير علي طول
تحياتي

saad alshater يقول...

ياسلام
ده اجمل حاجه ممكن تطلع بيها من المشكلة والمحنة
اعانك الله وقلوبنا معك

dead man يقول...

يا صديقي كل أمر بقضاء.. ولا تقل شئنا ولكن الاله شاء

ربنا يحبب فيك خلقة.. ويرزقك الحضن الذي يكفيك ويسعد أيامك

سكوت هنصوت يقول...

أخي العزيز


مثل المؤمنون في توادهم و تراحمهم, كمثل الجسد الواحد إذا اشتكى منه عضو تداعي له سائر الجسد بالسهر والحمى

هو ده اجمل وصف ممكن حد يوصف بيه مشاعر الناس...


زعلك وضيقك و حزنك و غمك و كربك..مش محسوسين قوي من الأخرين..لإنك اكيد غالي عند الكثيرين

ان لم يكن بشخصك فيكفي انك إنسان تقاسم هؤلاء الأخرين الفضاء الواسع

الحمد لله انك بخير الان..وربنا ما يعدها ايام

تحياتي

محمود حسين يقول...

ربنا يارب يوفقك الى ماتحب وترضى ويجعل كل ايامك سعادة وكل لحظاتك عبادة وكفايه كدة عشان متخدش فى نفسك الم
حبيبك وابن حبيبك

غير معرف يقول...

تحية واجبة

اثناء تجولى فى مدونتك الصادقة فى تعبيرها - رغم اننى اعرفك من كتاباتك فى مدونات اخرى - الا اننى وانا فى مدونتك لا استطيع ان اخرج دون اقدم كل تحياتى للانسان الكاتب الصادق الوطنى الاصيل
تحياتى

امام الجيل يقول...

تعالى فى حضن حموووو
بقلك يا فندم
ممكن تدينى الياهو الهوتميل بتاعك
ابعتهولى على ميلى
mohamed2025@gmail.com
اذا مش عايز قول
عشان اكسرلك صوابعك
ومتكتبش تانى ع الكيبورد :)
انى احبك فى الله

سوسكــا يقول...

ياحبيبي يابني
ماهو لو انت رجعت الفلوس اللي عليك كنت اخدك في حضني

ونظرا لانك معطتنيش حاجة دورلك علي اخت تانية يابابا.. اه ..انا موصية مروة متعبركش لغاية ما تجيب اللي عليك



جد بقي

يارب يحبب فيك خلقه كمان وكمان .. ويوقفلك ولاد الحلا... احم احم لا مش هي دي

المهم يعني بجد بعيدا عن انك اخويا وانا بحبك بس بجد انت شخصية تستاهل حب الناس ليك

احمد ربنا ياولد حد لاقي


:)

كفاية عليك كده كويس اوي اني رديت عليك

بجد نفسي افضل كويسة للاخر ادخل يالساااااني

mohamed khaled يقول...

الحمدلله يا حبيبى

اوقات فعلا الواحد بيكون محتاج حب واحتواء
اجمل حاجة لما تكون محتاج حاجة وربنا ينعم عليك بيها ....فله الحمد والمنة.
حمدلله على سلامتك لعودتك للتدوين ...وما تحرمناش من مواضيعك
دمت سالما .. وادعيلنا ربنا يرزقنا احنا كمان بالناس دى.

انا مش معاهم يقول...

ربنا يكرمك يارب
ارجوا انك تكون لسه فاكرني
انا سيف اللي كنت بعلق معاك
يوم المؤتمر في الاسكندريه

ابو مفراح يقول...

بصراحه الواحد يحسدك يا محمد بصراحه جميل جدا ان تجد من يقف بجانبك




تحياتى اليك
ابو مفراح

Lamia يقول...

heeey
The humman communication is great thinge ,smile or cute word from close friend raise me up ,these things feed our souls .No one can live alone
Relatioships which borned without looking for well-being or interests will keep going on to the last day of our life and after we died ,God mentoined this thing in Quraan(اخوانا على سرر متقابلين)

مصطفي النجار يقول...

احيانا كثيرة نحتاج الي من
يضمنا ويحتوينا
ولكن الصعب فعلا ان نجدهم حولنا كل وقت
الحمد لله انك وجدتهم في الوقت المناسب

عصفور اسكندرية ( المواطن المطحون ) يقول...

ياااااااااه
الف مبروك
علي الرجوع الحميد

ياراجل سوبر محمد السيد معانا ايه الشعبيه دي ربنا يحبب فيك خلقه

اخر بوست عندي
المواطن المطحون: نسمات

mazlomen يقول...

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى

محمد على ..هي كده يقول...

بجد انا مخنوق حقيقى منك


انت فينك يا ابنى وفين موضعتك الجديده

انت مش فاضى ولا بتدلع



لا بجد يلا مستنينك اوووووى

ياء يقول...

ماشيه معاك يا عم

حبايب وقرايب من كل جانب

احنا مش بنحسد

احنا ماسكين الخشب - متخفش

بس مين اللى عملك الصوره الحلوه اللى انت ناشرها

؟؟؟؟؟
؟؟؟
؟؟
؟

يا ريت نطول من الحب جانب

محمد السيد..مش حاسكت يقول...

فعلا مش عارف أقول إيه؟؟

أو أرد علي الناس دي كلها إزاي ...

يوم ما كتبت البوست ده ... ماتوقعتش نص الردود دي حتي ... أو ربع الاهتمام ده ....


لكن الأقي ده كله ......

أظن كان لازم أضيف ده كله لنعم ربي عليا .....

وأعدل في البوست من الأول ....

ربنا يخليكم ليا ............. يارب

محمد السيد..مش حاسكت يقول...

غير معرف ....

امين يارب ..... ويكرمك كمان ...

=========================

حبيب قلبي .... مصعب ....

كفاية عليا انك تيجي لغاية هنا وبس .....
أكلة السمك جاهزة ياباشا ...

محمد السيد..مش حاسكت يقول...

دوووووووووووووووودي ...

أنا أساسا باتخنق من تعليقاتك ...
بس أعمل إيه .....

إلهي يارب يفرحني فيك ... ويضحكني عليك ... ويوقعك في حاجة ماتعرفش تهرب منها أبدا .....

يارب أتجوز قبلك يارب ...

محمد السيد..مش حاسكت يقول...

اغبطني يا سيدي ...

ويارب يحبب فينا كلنا خلقه ... ويشرح لينا قلوب الناس ...

والله كفاية زيارتك يا أبو خليل

==============================

ابن ناصر ....

إيه ياعم .... انت بتروج وتيجي مرة واحدة ده؟؟؟

يارب كلنا .....

=================

محمد السيد..مش حاسكت يقول...

سعد الشاطر ...

أجمل حاجة في الدنيا .. لمة الناس حواليك ....

لو حتحسبها بأي شكل ... مش حتلاقي أحلي ولا أحسن من كده ...

يالا ياسيدي ... ربنا يكتر من لمة الناس عليك .....

بس انت افتح لهم الباب وبس ... وهم مش حيتوصوا ....

محمد السيد..مش حاسكت يقول...

DEAD MAN .....

أحمد هواري بالعربي ...

وما أدراك ما أحمد هواري ...

الحضن الكبير أوي ...
القلب الحنين أوي ...
الحد اللي ممكن يسمعك أوي ...
الحد اللي كله أجمع عليه ...

ربنا يخليك ليا يا حبيبي ... ويحببك فيا كمان وكمان ....

ويحببني فييييييييييييييييييك ....

مش عارف أبطل أحبك ياعم انت ......

محمد السيد..مش حاسكت يقول...

سكوت حنصوت ....

شخصيا يا أفندم ...

كلماتك ... أحلي ما تكون ....

حاولت أرد ومعرفتش ....

ربنا يديم المعروف يا ستي ...


==================================

محمد السيد..مش حاسكت يقول...

محمود حسين ....

ييييييييييييييييييييييييييييي ...

ياعم هو انتم فيش وراكم غيري انت ومحمد علي بيه ....


يا متشكرين ...

شرفتنا ... ونورتنا ... وعايزين ننام بقي ...

يالا ....

ابقي سلم لي علي ......................،ـ ولا بلاش ..............

بحبك ياد ....

محمد السيد..مش حاسكت يقول...

غير معرف ...

مش عارف اقولك ايه ..
بس انت قلت كلام كبير أوي ...

انا بصيت حواليا عشان اعرف بتكلم مين ...بس ملقتش حد ....


ربنا يكرمك يا افندم .....
------------------------------
أما لو طلعت اللي في بالي ....
يبقي ضرب نااااااااااااااااااااااار

محمد السيد..مش حاسكت يقول...

إمام الجيل ....

والله مكسوف منك كسفة .... حتي طول الفترة اللي فاتت عمال أسال انت مختفي فين ؟؟

أهه انت بالذات تستاهل كل كلمة من اللي فوق ...
ربنا يخليك ليا يارب ....

ومن غير تكسير ياعم ولا حاجة ....

انا طوع بنانك ...
حلوة بنانك دي؟ ....