الجمعة، مارس ٣٠، ٢٠٠٧

آآآآآآه مني


- في جملة عمالة تضرب في راسي بقي لها كام يوم ...
"خلف أعلي الضحكات .... يكمن أسي عميق"
القائل ...... أنا طبعا ... بس بجد صادقة بشكل صعب حتي تصوره ...

- مسيطرة عليا فكرة غريبة أوي اليومين دول ....
"مين من معارفي لما حيموت حأزعل عليه عشان مش حالاقي بعده اللي يسمعني وأحكي له ويطمن عليا ويحب يسمع أخباري"
مش بأدور علي حد أزعل علي فراقه وموته لأن دول كتير .... أنا بأدور علي اللي أفتقد بعده اللي يطمن عليا ويسأل ... ويحسسني بجد إن همه فعلا إنه يحس بيا ويخرج اللي جوايا من مشاكل وهموم ...
زي ما أنا بأعمل مع الناس ...

- سؤال سألته لها ... ومش عارف رده لغاية دلوقتي ...
"إيه مشروعية إني أسأل:ليه اللي بأحبها مش زي باقي البنات ... بتتكلم كتير وبتسأل عليا وتتناقش ... وتطمن عليا ... وتحسسني إنها عايزة تعرف كل حاجة عني ... من غير ما أقول لها"
ليه غالبا بألاقي إن الحوار من ناحية واحدة بس ... أنا بأسأل عليها وأخبارها ... ولما نيجي عليا ... أنا اللي باحكي عن نفسي من غير ما تسأل هى ..أو بأحب أقولها ... من غير ما أحس إنها عايزة تطلع الكلام من جوايا وتفضل مصرة إنها تسمع مني ....

- بعدما أسيب الشغل ...
حيقولوا كان واحد طيب ومشي ...و لا حيقولوا إيه ؟؟
مرة سمعت من أستاذ اسمه عبد اللطيف آدم ... "المهم بعدما نموت افتكرونا باالخير وقولوا كان راجل طيب ومات ...."
نفسي أوي ... يقولوا عليا كده ....وانتم كمان .... قولوا عليا كان واحد طيب ومات ...
لو حد زعل مني ...أو شافني بصورة وحشة .... يا يقول لي .. يا إما ينسي ليا الحاجات الوحشة ويفتكر الكويس ...
عايز أسمع منكم وعنكم ....
"محمد .... ياااه .... ده كان واحد طيب ومات ..."

- آخر حاجة .... لو حصل لي حاجة وحشة الأيام الجاية ...
حادثة - مصيبة - نتيجة - اعتقال ....
ابقوا اسألوا عليا .... أنا فاكر يوم ما اتمسكت السنة اللي فاتت ... معني إني أخرج وألاقي كل الناس دي سألت عليا ....

-
امنحيني شيئا من حنانك ....
فحنانك أقوي مني ألف مرة ...
امنحيني ...

هناك ٥ تعليقات:

ياء يقول...

هو فيه ايه يا ابنى لكل ده

مالك

ايه الجديد

الافكار دى مش وقتها خالص

عمر عاشق القرآن يقول...

انا كمان هبدأ افكر فى الحاجات دى الظاهر

الكلمة اللى عجبتنى اوى
"ان الضحكات الكثيرة وراها حزن عميق"

فعلا انا بلاحظ كده فيه كتير من الناس بيضحكوا اوى و هما من جواهم فى قمة الحزن والاكتئاب

عمر محمود يقول...

محمد يا مات انت حتفوق من الدجل ده ولا اديك على دماغك التعبانة دى
بالله عليك مافيش حد بيسأل عليك فعلا
طب روح الله يسامحك

عمر محمود يقول...

آه والله آآآآآآآآه منك ومن عمايلك

مهندس زراعي يقول...

خيررررررررررررررر

بعون الله

خيررررررررررر

بلاش الافكار الى تحزن دي

ربنا يبارك فيك ويوفقك

حياتي القلبيه لك