الثلاثاء، يونيو 13، 2006

مش حأسكت .... لكن قبل البداية ... لازم الاتفاق

السلام عليكم ورحمة الله وبركاته

الحمد لله والصلاة والسلام علي سيد خلق الله ... قائد المصلحين ... وإمام المجاهدين ... سيدنا محمد وعلي آله وصحبه ومن سار علي دربه إلي يوم الدين ....
لأنها أمانة ..... وهي حسرة و ندامة ... فإما بصدق وبإخلاص ... و إما فلا ....
لأنها يوم القيامة ..... يكب المرء علي وجهه في النار بما قاله لسانه ... وبما ردده فمه ...
لأنها في الدنيا ..... طريق عزة الإنسان و حريته .... أو هي سبيل ذله ومهانته .... واستخفاف الناس به ...

لأنها كلمة ....

صغرت أو كبرت ..... إلا أنها كلمة ...
وكم سكتنا عنها عقودا عديدة وسنين متتابعة .....
ولكن آن الأوان لها أن تخرج وحان الوقت لها كي تصدع

مش حأسكت ...

مش حأسكت لأن كفاية سنيييييييين من السكوت ....

مش حأسكت لأني جربت السكوت وكانت النتيجة ......... لا نتيجة ...

مش حأسكت لأني نهايتي الطبيعية هي الموت ........ قربت أو بعدت .... لكنها نفس النهاية ...

مش حأسكت لأنه لاعقوية أكبر من السكوت والخوف والذل والمهانة ....... والإحساس بقلة الحال و ضعف الذات ...

مش حأسكت لأن من سكت لم يسلم ومن خاف لم يأمن ... ومن عاش بجوار الحائط ..... لم يستطع أن يعيش أساسا ...

مش حأسكت وبأقولها لكل الناس ... لحبايبي وصحابي وإخواني وأهلي ..... وكل اللي ممكن يدخلوا هنا في يوم من الأيام ...

مش حأسكت عشان يوم ما يسألني أولادي .... أعرف أرد عليهم .... ويوم ما تنادي عليا رفيقة دربي ... أقدر أرد عليها ...

مش حأسكت وده قراري ......... أدعوكم تشاركوني ... واللي خايف .......... يشوف تجربتنا وبعدها ....يقرر!! وأظن ساعتها ..مش حيسكت هو كمان ...

نبتدي المشوار ؟؟؟ نبتدي ؟؟ يالا بينا

توكلنا علي الله

هناك 5 تعليقات:

سيبها على الله يقول...

اخى الفاضل
احييك من كل قلبى واتمنى لك النجاح فى هذا العالم عالم التدوين..
احييك على كلمتك والتى احسست انها نابعة من القلب وفعلا يا اخى سكوتنا هو الذى ادى بنا الى خراب البلاد وتركنا مجموعة من البلطجية يعيثون فى الارض فسادا...يكفينا اكثر من نصف قرن من الزمان من الخنوع والسكوت آن لنا ان نثبت لهم اننا لم نعد ذلك الشعب المغفل الابله والذى لا يعى شيئ فى الحياة الا الاكل والنوم وقول آمين آمين..لا فرق بيننا وبين عالم الحيوان الآن استطيع ان اقول لقد تغير الحال ولم يعد من الممكن السكوت على نهب البلاد وتدميرها ...اما ملف التوريث فاباذن الله تعالى وبصحوة شعبنا المجيدة فان ذلك لن يمر مر الكرام الا على جثث الشعب المصرى كله..
احييك اخى وتمنياتى لك بالنجاح فى عالم التدوين

عبدالله مفتاح يقول...

محمد حبيبي
عملت مدونة
فعلا كله بقا يدون
انت حبيبي يا محمد ربنا يوفقك
( المقصود بكله اي كل الوطنيين)

ياء يقول...

هاهاهاه
حبيبى انت
انت حبيبى

غير معرف يقول...

you didn't said any thing !!

غير معرف يقول...

هو مش تشاؤم ولا حاجة أبدا ..
بس إظاهر إنك هاتقعد تتكلم لحد ما تموت وماحدش هايسمع حاجة
الواقع بيقول كده
بس الواجب والأمل بيقول إن الاستمرار حتمي !